Пенсійнае забеспячэнне ў Рэспубліцы Беларусь выступае адной з найважнейшых частак сістэмы сацыяльнай абароны насельніцтва. 

Пенсійным забеспячэннем ахоплены кожны непрацаздольны, які пастаянна пражывае на яе тэрыторыі, незалежна ад грамадзянства, дзейнасці ў мінулым і іншых абставінаў. 

Большасць грамадзян пенсiянiруецца па нормах Закона Рэспублікі Беларусь "Аб пенсійным забеспячэнні" (далей-Закон). Пенсійнае забеспячэнне вайскоўцаў і прыраўненных да іх асоб, дзяржаўных служачых, асоб, якія пацярпелі ад катастрофы на Чарнобыльскай АЭС, і некаторых іншых асоб ажыццяўляецца згодна са спецыяльным законам. 

Законам прадугледжваецца прызначэнне і выплата працоўных пенсій:

• па ўзросту; 

• па інваліднасці; 

• па прычыне страты карміцеля (у тым ліку сіротам); 

• за выслугу гадоў; 

• за асаблівыя заслугі перад рэспублікай. 

Непрацаздольным грамадзянам, якiя не атрымлiваюць працоўную пенсію і(або) пенсіі з іншых дзяржаў у адпаведнасці з міжнароднымі дагаворамі Рэспублікі Беларусь прызначаюцца сацыяльныя пенсіі.

У мэтах падтрымання ўзроўню пенсійнага забеспячэння перыядычна праводзіцца пераразлікі пенсій:

• у сувязі з ростам сярэдняй заработнай платы (пераразлічваюцца працоўныя пенсіі) у межах наяўных пенсійных сродкаў; 

• у сувязі са змяненнем бюджэту пражытачнага мінімуму ў сярэднім на душу насельніцтва (пераралічваюцца мінімальныя працоўныя пенсіі, сацыяльныя пенсіі). 

Пенсійнае забеспячэнне асоб, якія працавалі на тэрыторыях дзяржаў, з якімі Рэспублікай Беларусь заключаны міжнародныя дагаворы (пагадненні) у галіне сацыяльнага (пенсійнага) забеспячэння, ажыццяўляецца з улікам палажэнняў названых дагавораў (пагадненняў).

Прыём грамадзян:

Панядзелак  з 8.00 да 13.00

Аўторак з 14.00 да 17.00

Серада  з 8.00 да 13.00

Чацвер з 14.00 да17.00

Пятніца  з 8.00 да 13.00